17 снежня 2015 года ў школе праходзіў   абласны практыкум   павышэння кваліфікацыі настаўнікаў беларускай і літаратуры. Вопытам работы дзяліліся настаўнікі беларускай мовы і літаратуры: Бандарэнка Галіна Мікалаеўна – настаўнік вышэйшай катэгорыі, і Макушынская Ірына Генадзьеўна - настаўнік першай катэгорыі.

На высокім метадычным узроўні  былі праведзены адкрытыя ўрокі і  пазакласныя мерапрыемствы:

- урок  беларускай мовы  ў 6 “Б”  класе па тэме “Прыметнікі  з суфіксамі ацэнкі, сфера іх ужывання, правапіс”;

- урок  беларускай літаратуры ў 10 “А” класе па тэме  «Вытокі народнага таленту (па паэме “ Люцыян Таполя” Максіма Танка);

- інтэлектуальна-пазнавальная гульня “ Беларусь мая” для вучняў 9 класаў.

У час абмеркавання  абмеркавання ўрокаў настаўнікі беларускай мовы і літаратуры нашай школы падзяліліся з калегамі творчымі набыткамі, сваімі ідэямі і планамі на будучае.

З вялікай цікавасцю госці наведалі школьны музейны пакой, у якім настаўнік гісторыі вышэйшай катэгорыі Мендзелева Валянціна Васільеўна правяла этнаграфічную экскурсію, а вучні паказалі, як яны працуюць за ткацкімі станкамі.

Пад час наведвання музейнага пакоя настаўнік беларукай мовы і літаратуры першай катэгорыі Краснова Ірына Уладзіміраўна разам з вучнямі звярнулася да гасцей з музычным запрашэннем “ Калі ласка, у нашу хату!”.